Khamkha Bewajah (Blood)

Umr hogi 16 aur leli hogi science

Dil mein chal rhi thi

kuch alag karne ki khwahish

Nahi maani hogi papa ne

art karne ki guzaarish

Rote rote ghar se nikla

aur hone laggi baarish

Arre padhega hi nahi to

tujhe job kon dega

Ye sab part time kar lena

I know tu kar hi lega

Arre kamagega hi kitna hi

is kalaa k career se

Jab paisa hi nahi to

tere bill kon dega

Ab behaal bhedchaal mein

lag gye hum bechaare

Hum man k jeete jeet

par duniadaari se haare

Jinko bnani thi nazmein

ab vo kaam pe lachaar hai

Ye dunia gehra daldal

aur hum dhaste hi jaa rhe

Fata basta school ka rasta

Halat khasta karre makhol

Shaam ko aaya chintu

bhai leke aaja ball

Choda yaar ratti copy

pr number kam rhe 2

Aur pass bhi kaise hota

jab dil mein tha kuch aur

Tu khamkha bewajah hi chalta rha

Ye dunia k bandhano mein uljha rha

Kya maksad kaha jaa rha kahaa kho tu gya

In raaston ka hi tu bas ho sa gya

Ab btech bhi le li

mujhe nahi karna tha code

Vo hi chuhon wali race mein

nahi chahta tha mai daud

Mann karta tha kahi bhaag jau

mai sab kuch yahi chod

Par being middle class

nahi kar sakta tha afford

Ab 4 saal mein 8 lagaa kr

karni to thi job

Jo mere andr aag thi

vo mar rhi thi roz

Ab ladta marta kar rha tha

khushiyo ki khoj

Ab mere sir pe aa gya

vo papa wala bojh

Maa ko le k deni sari

gharpe behn bhi kwaari

Ab papa kitna hi karlenge

unki umr nikal gyi

Ab ye meri zimmedaari

majboori ik bimaari

Aur bimaari le doobi

meri thi jo kalakaari

Ab choti choti cheezon

k liye laggi hui hai hod

Zindgi hai naam

chaar kandho tak ki daud